Landcare Research - Manaaki Whenua

Landcare-Research -Manaaki Whenua

FNZ 59 - Erotylinae (Insecta: Coleoptera: Cucujoidea: Erotylidae) - Māori summary

Skelley, PE; Leschen, RAB 2007. Erotylinae (Insecta: Coleoptera: Cucujoidea: Erotylidae): taxonomy and biogeography. Fauna of New Zealand 59, 59 pages.
( ISSN 0111-5383 (print), ; no. 59. ISBN 978-0-478-09391-9 (print) ). Published 07 Sep 2007
ZooBank: http://zoobank.org/References/351ADE1F-65D8-44E1-9F57-C94CACEA93DF

Māori summary — He Whakarāpopototanga

Ngā Erotylinae

E waru ngā momo o te whānau iti o ngā Erotylinae o Aotearoa kei ngā puninga e rua. Ko Kuschelengis, he puninga hōu e whakaahua ana i te momo takitahi K. politus, me Cryptodacne, e 7 ōna momo, e 2 o ērā e whakaahuatia ana he hōu.

Hei whānau, he uaua a ngāi Erotylidae te whakatau, engari e taea te tautohu mai i te nuinga o ngā pītara o Aotearoa nāētahi o ngā āhuatanga e whai ake nei: ngā ngongo repe i roto i te katoa o te tinana engari tino kitea i ngā koko o te wāhanga tuatahi o te hōpara (prothorax); ngā puare (mesocoxal) ka katia e ngā toronga kōtaha o waenga o te tāpuku (metaventrite); e kapi ana ngā elytral epipleura me te whātoro ki te tihi; te wāhanga o ngā ventrite o te takapū he rite tahi te roa; te pokopoko waenga o te aedeagus e pineke kōtaha ana; ngā toko ure roroa, whāiti e 2 i te nuinga o te wā (1 rānei i ētahi wā).

E māmā noa ai a ngāi Erotylinae te tautohu i ētahi atu erotylid o Aotearoa nā te katia katoatia o ngā puare procoxal e ngā toronga kōtaha o te tukanga prosternal. He koropuku ake hoki ngā tinana me te rahi ake i ētahi atu erotylid o Aotearoa. He kāhui āhua pakupaku te whānau iti o ngāi Erotylinae i Aotearoa ina maharatia ngā momo e 50 o te whenua tata mai o Ahitereiria.

Ka whakanohoa te katoa o ngā momo ki te iwi Dacnini, e huhua ana te noho puta noa i Ahitereiria me te Holarctic. He toiwhenua ki Aotearoa te puninga Cryptodacne, engari a ngāi Kuschelegis ka kitea i Kanaki kei reira pea ko tōna 10 nei ngā momo kāore anō i whakaahuatia ā-tuhi. Te nuinga o ngā tīpakonga he mea kohi i ngā rākau pirau, i ngā parapara rau ā, pērā i te āhua o ngā Erotylinae katoa, he harore anake te kai a ngā momo o Aotearoa. Kāore i nui ngā kōrero kua oti mō te rauropi papa harore engari ko te tohu ka kai ngā momo i te harore pōare nunui (polypore), i te harore whata rānei.

E ai ki te tātaritanga koiora-arowhenua o ngāCryptodacne nō nā tata noa nei a C. rangiauria i whakamomo mai ai, whai muri tonu i te mararatanga atu ki ngā moutere o Rerekohu, ka mutu e rite ana t‘nei ki ngā raraunga mai i ētahi atu rauropi.

Translated by: W. Te Rakihawea, Ngaruawahia