Landcare Research - Manaaki Whenua

Landcare-Research -Manaaki Whenua

FNZ 56 - Tyrophagus (Acari: Acaridae) - Māori summary

Fan, Q-H; Zhang, Z-Q 2007. Tyrophagus (Acari: Astigmata: Acaridae). Fauna of New Zealand 56, 291 pages.
( ISSN 0111-5383 (print), ; no. 56. ISBN 978-0-478-09386-5 (print) ). Published 04 Jun 2007
ZooBank: http://zoobank.org/References/645F28C5-DAA9-46FF-B346-5B459C8B7BB9

Māori summary — He Whakarāpopototanga

Ngā Pūwereriki Tyrophagus

Kei te puninga Tyrophagus ko te rōpū pūwereriki kai harore, ā, ko ngā pūwereriki pūhekaheka hoki ka kitea i ngā kai rokiroki me ngā ngaku pararopi pirau. He pānga o rātou ki ētahi pepeke, ki ngā whai tuaiwi noho kōhanga rānei. Ko rātou ngā pūwereriki tino mātinitini, whai pānga ōhanga ka noho ki ngā kai me ngā hua rokiroki. Ko ētahi momo Tyrophagus hoki he kaitipu taunga ki te noho ki ngā tūāhuatanga taiao ā, arā noa atu te raru ā-ohanga ka puta i a rātou ki te ao tipu, ki ngā putiputi whakapaipai me ngā huawhenua ka whakatupua ā-whare. Ka noho mai a Tyrophagus ki te pūtoi o runga o Acariformes, o te pūtoi Astigmata, o te whānau Acaridae. I tēnei wā, 35 ōna momo ā, e marara ana ki ngā tōpito katoa o te ao.

Ko tōna mataora ā, he hua, he kōhungahunga, he pokopoko tuatahi, he pokopoko tuatoru, he pakeke. Me uaua te pokopoko tuarua ka puta ā, kotahi noa iho te momo i mau e p‘nei ana. Ka whānau te uwha Tyrophagus i ana hua 100 ki te 700. Nā runga i te pāmahana, ko tōna 1 ki te 3 wiki te whanaketanga mai i te hua ki te tūātipu pakeke.

I Aotearoa ko te tuhinga tuatahi mō ngāi Tyrophagus nā Cockayne rāua ko Walters (1916) i kīia ai he pūwereriki pāpapa rātou. Nō muri ka tapaina ko Tyrophagus longior e Robertson (1946) ā, nāna hoki ngā kōrero ki hea rātou tītari ai me ō rātou manapou. I tana whakahoutanga o Tyrophagus Robertson (1959) i kōrerohia ngā momo e whā o Aotearoa. I taua wā e rima ngā momo o Tyrophagus e mōhiotia ana ka kitea i Aotearoa.

Ki tēnei tānga kōrero ko ngā momo o te puninga Tyrophagus kei Aotearoa, he mea titiro whānui me ngā momo anō hoki ka kitea i Ahitereiria me ētahi atu whenua o Oceania. Tekau ngā momo, e rua he momo hou, nō Aotearoa katoa, i whakaahuatia ā-kupu, ā-pikitia: Tyrophagus communis sp. n., T. curvipenis Fain & Fauvel, T. longior (Gervais), T. macfarlanei sp. n., T. neiswanderi Johnstone & Bruce, T. putrescentiae (Schrank), T. robertsonae Lynch, T. savasi Lynch, T. similis Volgin, T. vanheurni Oudemans. E whitu ngā momo, e toru he momo hou, nō Ahitereiria me ngā whenua Oceania i whakaahuatia ā-kupu, ā-pikitia: T. australasiae (Oudemans), T. javensis (Oudemans), T. pacificus sp. n., T. perniciosus Zakhvatkin, T. tropicus Robertson, T. womersleyi sp. n., me T. xenoductus sp. n. I tua atu i ngā whakaahuatanga o ngā momo hou e rima, ko ngā huringa tapaingoa e whai ake nei: Tyrophagus africanus Meyer & Rodrigues, 1966 syn. n. o Tyrophagus neiswanderi Johnstone & Bruce, 1965; T. palmarum Oudemans sensu Robertson, 1959 syn. n. o T. vanheurni Oudemans (i whakahoutia). Kua āta whakamāramatia ngā ariā o te momo T. putrescentiae (Schrank) me te momo T. javensis (Oudemans). Kua homai ngā tohu tautuhi i ngā toa pakeke i ngā uwha pakeke, kua oti ngā tohutoro whakarōpū, ngā nōhanga me ngā raraunga tītaringa mō ia momo. Ka āwhina tēnei i te taha tautuhinga ā, ko ngā tono a ngā hoa tauhokohoko mō ngā whakatau wehenga ārai mate ka tere te whakautua.

Translated by: W. Te Rakihawea, Ngaruawahia