FNZ 38 - Barker, G. M. 1999 Naturalised terrestrial Stylommatophora (Mollusca: Gastropoda) - Contributor Notes
Barker, GM 1999. Naturalised terrestrial Stylommatophora (Mollusca: Gastropoda). Fauna of New Zealand 38, 253 pages.
( ISSN 0111-5383 (print), ; no. 38. ISBN 0-478-09322-5 (print), ). Published 25 Jan 1999
Contributor Gary Barker was born in Matamata, Waikato, but spent his youth on a farm surrounded by bush-clad hills in the Bay of Plenty. It was there that he developed an interest in wildlife, and invertebrates in particular. In 1972 Gary joined the Ministry of Agriculture at Ruakura Agricultural Research Centre. While working as a technician he obtained a New Zealand Certificate in Science at Waikato Polytechnic. Over a period of 24 years Gary published more than 100 papers on population and community ecology of invertebrates in agricultural systems. He has worked extensively with farmers and other researchers, in New Zealand and internationally, to develop sustainable pest management practices. In recognition of this contribution, in 1985 Gary was appointed as a senior research scientist with the Ministry of Agriculture. He also developed research interests and published in biogeography, systematics, and ecology of indigenous invertebrats, especially terrestrial molluscs. In 1996 he joined Landcare Research as a research scientist. His work is now centred on the systematics and community ecology of New Zealand indigenous invertebrates, and broader questions of biodiversity assessment.
I whānau mai te kaituhi nei, a Gary Barker, i Matamata, i roto o Waikato. Heoi anō, i tana taiohinga, noho ai ia ki tētahi pāmu e karapotia ana e te ngahere i te rohe o Te Moana a Toi. Nō reira mai tana ngākau nui ki ngā mea oreore o te wao nui a Tāne, me tana aro nui anō ki ngā mea tuarā-kore. I te tau 1972 ka whai mahi a Gary i te Manatū Ahuwhenua, i te Pūtahi Rangahau Ahuwhenua o Ruakura. I a ia e mahi ana hei ringa hangarau, ka whakawhiwhia ia ki tana Tiwhikete o Aotearoa mō te Pūtaiao, mai i te Kuratini o Waikato. I roto i te 24 tau, neke atu i te 100 ngā tuhinga kua whakaputaina e Gary e pā ana ki te maha me te āhua o te noho tahi a ngā hanga tuarā-kore i roto i ngā pūnaha ahuwhenua. Kua kaha tonu tana mahi tahi ki te hunga ahuwhenua me ētahi atu kairangahau, i tēnei whenua me tāwāhi anō hoki, kia takoto mai ai ētahi tikanga nanati i ngā kararehe takakino. Nā ēnei mahi āna, i te tau 1985 ka whiwhi a Gary i tētahi tūranga mō te kairangahau pūtaiao matua i te Manatū Ahuwhenua.
Kua whāwhā atu anō hoki ia i ētahi atu momo mātauranga, pēnei i te koiora-matawhenua, i ngā whakapapa me ngā pūnaha whakarōpū i te ao o Tāne, me te āhua o te noho tahi a ngā hanga tuarā-kore o Aotearoa tūturu ki ō rātou ake taiao. I tēnei kaupapa whakamutunga, ko ngā hanga-mohe noho ki uta ngā mea i āta tirohia e ia. I tua atu i ngā mahi rangahau, kua whakaputa tuhinga anō ia e pā ana ki ēnei kaupapa. I ēnei rā, e āta whakapau kaha ana ia ki ngā whakapapa, ngā pūnaha whakarōpū, me te āhua o te noho tahi a ngā hanga tuarā-kore tūturu o Aotearoa ki ō rātou taiao, tae atu ki te aromatawai i ngā huhua a Tāne.