Landcare Research - Manaaki Whenua

Landcare-Research -Manaaki Whenua

FNZ 33 - Moranilini (Hymenoptera: Pteromalidae: Eunotinae) - Māori Summary

Berry, JA 1995. Moranilini (Insecta: Hymenoptera). Fauna of New Zealand 33, 82 pages.
( ISSN 0111-5383 (print), ; no. 33. ISBN 0-478-04538-7 (print) ). Published 08 May 1995
ZooBank: http://zoobank.org/References/666526E2-3986-4C97-86ED-B25CAC098609

HE WHAKAPOTONGA MA TE MAREA

He roopu iti noa iho te katipoo o hapuu Moranilini onaa hua oona momo (he ono tekau maa whaa anoo kua tauiratia i te ao katoa), aa, i te nuinga o te mea kotahi: kotahi ki te toru mira mita (mm) te roa, heoi waahi nui atu i te upoko pine nui. Ka kitea tonu raatou i waenga i nga katipoo roopu nui haamana taapiri e kiia nei he Chalcidoidea. Ahakoa nei na ko te nuinga o taua momo ka whaanui nga parirau, kotahi torunga o nga katipoo tuuturu no konei anoo no Niu Tiireni Aotearoa nei, e whai parirau nonohi ana.

Na te mea i te kaha tini me nga aahua momo katoa, aa, me nga aahua momo i raruraru mai raano i te tauira i eenei ngaarara iti, kaahore i moohio rawatia te aahua o te whaamere-nui Chalcidoidea i Niu Tiireni Aotearoa nei. I mua tata atu e rima anoo nga momo o hapuu Moranilini kua rekoatahia i Niu Tiireni Aotearoa. Inaianinei tekau maa whitu momo heke iho mai i nga taatai e toru ko moohiotia, tekau maa tahi e kore kitea i hea atu, e whakapaingia ana he tuuturu no konei tonu. Ko nga toenga momo he ono, ka kitea ono i Ahitereiria.

Ahakoa he iti noa iho me te tata kore e kitea, kanui anoo te hiitoria aahua noho ora, aa, me te iti hoki o nga waahi ka kitea ai raatou. Heoi, ka puta mai i nga takiwaa i waenga i i Niu Tiireni me Iinia, araa, te nuinga me nga aahua momoka kitea i Ahitereiria ko te whakaaro i puutake mai anoo a whaamere-nui Chalcidoidea i nga tuupuna i Ahitereiria, aa, me nga aahua momo katoa i teenei waahi o te ao i haangai mai anoo i too raatou tupuranga raatou anahe i konei.

Ko te nuinga ehara ko te katoa, ko te hapuu katipoo Moranilini mai ra anoo he hoa riri, no te roopu nei, kei roto anoo nei nga ngaarara 'mealybugs' me nga Pseudococcidae (tirohia Fauna of New Zealand / Ko te Aitanga Pepeke o Aotearoa nama 11), me nga ngaarara mealybug he tupua, he Margarodidae raanei (tirohia Fauna of New Zealand / Ko te Aitanga Pepeke o Aotearoa nama 21). Ko te nuinga o hapuu Moranilini he momonui i te haamana taapiri kaikai 'parasitoids,' kaikai i teena mea i te ngaarara momo Coccoidea. Ko teenei tikanga ka paa ki te katipoo uwha, ka whakawhaanau i tana heeki ki roto i te tinana ngaarara ora. I reira ka peehi ka puta mai ko te keto. Ko te keto ka kaikai mai maa roto mai i nga wheekau ngaarara, aa, mate noa te ngaarara. I muri i te moe roa i roto i te kiri kaahore nei he mea i roto, ka puta mai he katipoo hoou (kia mahara, ko te momo nei a parasitoid, ka huri kaikai i te ngaarara ka nohoina nei e ia aa mate noa, haaunga anoo te momo haamana taapiri e kore peenei).

Ko eetahi o hapuu Moranilini he kaipatupatu. Ka noho i roto i nga peeke wuuru e haanga mai ana e nga uwha mealybugs, ka tahuri kaikai i oonaa heeki. Ko teenei momo ka tupu i roto i nga peeke wuuru, ka puta mai he pakeke i te whaiwhai haere anoo i nga ngaarara mealybugs kia haere hirirauna tonu ai te wiira ora.

Takitahi noa iho nga momo ka peenei i te 'hyperparasitoids' nei ka aata tupu haere i roto i te tinana o teetahi atu parasitoid e tupu haere ana anoo i roto i te tinana ngaarara.

Ko nga ngaarara e kainga ana, he ngaarara kai wai raakau, aa, eetahi ngaarara mealybug hoki i uru noa mai - ka huri whakahoohaa whakaruraru i roto i nga mahi ahuwhenua. Kanui anoo te pakeke ki te whakaiti ki nga paihana ngaarara, no te mea ko nga uwha ka tuku wai pakeke hei whakakahu tinanahei aarai ia raatou, araa, ka noho hoki ka kuhu i nga waahi ruruhau o nga raakau (e kaia nei e raatou). Ko nga hoa riri tuuturu peenei ia katipoo Moranilini nei, ka taaea i te tuku atu hei kai whiu hei toa whakaiti, ngaarara, hei aawhina taiao.

Translation by: UniServices Translation Centre, Auckland