Landcare Research - Manaaki Whenua

Landcare-Research -Manaaki Whenua

FNZ 27 - Antarctoperlinae (Insecta: Plecoptera) - Māori summary

McLellan, ID 1993. Antarctoperlinae (Insecta: Plecoptera). Fauna of New Zealand 27, 70 pages.
( ISSN 0111-5383 (print), ; no. 27. ISBN 0-477-01644-8 (print) ). Published 18 Feb 1993
ZooBank: http://zoobank.org/References/67EDF1AB-4FCB-4ED5-84E1-F1EBF4E1D201

HE WHAKAPOTONGA MA TE MAREA

Ko te Antarctoperlinae he roopuu ngaro-koowhatu e kitea ana i Niu Tiireni me te pito tonga o Amerika Tonga, ka mutu. E ai ki nga tikanga whakapapa o te Paakehaa e toru tekau ma rua nga tuumomo (species), e rima kei roto i te hapuu (genus) Vesicaperla, e rua tekau ma whitu kei roto i te hapuu Zelandobius. Kei te Waipounamu anake nga tuumomo o te hapuu Vesicaperla. Ko nga tuumomo Zelandobius kei nga waahi katoa o Aotearoa me Te Waipounamu, haaunga nga moutere ki te tonga o Rangiura.

He rere kee nga kaaingae paingia ana e eenei hapuu tuungoungou. Kei roto i nga wai anake nga tuungoungou Zelandobius. He raapihi, he rimurimu (algae) nga kai. Kei te whenua kee nga tuungoungou Vesicaperla, kei nga waahi whakamaatao i raro i nga tarutaru i runga i nga maunga teitei. Ko te kai he kiri raakau, he harore e tupu ana i runga i te kiri raakau.

I nga tuungoungou e tupu ana, e torutoru nga whakamaaunutanga kiri, aa, ka puta mai te pakeke. E whaa parirau o te nuingaonga Vesicaperla; hore kaunga parirau o nga Zelandobius, haaunga te kotahi o nga tuumomo. Ko te oranga o te uha, he torutoru wiki ka mate. He kai-raakau te kai. Ka ai, ka whakatakoto i oona heeki.

Kua whakairoirohia nga tuungoungou me nga ngaro o nga tuumomo Vesicaperla hei huna i a raatou i roto i nga tarutaru. I te whakaohoreretanga ka torona nga waewae me nga puuhihi, aa, ka aata koiri hoki kia rite ai te aahua ki nga karaaihe e nohoia ana.

He itiiti eenei ngaro, aa, kaaore e hahae ana te kara. Engari, i te horahanga a nga parirau ka kitea nga whakairoiro, he maa eetahi waahi,he kaakarauri eetahi waahi. He omaoma to raatou haere, engari ka taaea te rere-a-parirau i eetahi waa.

Ka hangaia ki te huruhuru manu he tauira mo nga ngaro koowhatu e nga kai-hii taraute, engari kaaore teenei tauira e ingoatia ana, he ahakoa te pai o Zelandobius hei kai ma te taraute me nga ika māori. He tohutohu eetahi tuumomo Zelandobius mo te pai mo te kino raanei o te wai.

Ka taaea te kite-a-kanohi ko teewhea tuumomo eetahi o nga ngaro koowhatu rarahi; engari, mo te nuinga, ma te koata e kiia ana 'electron microscope' e whakaatu ko teewhea tuumomo. Ka aata tirohua nga parirau, te tinana, nga waewae, nga taihemahema.

Translated by: UniServices Translation Centre, Auckland