He ara tautohu i ngā pūtoi ngārara pekerau, pekerākau |
|
Ngā Tikanga Waihanga |
 |
Ko ngā kōrero e mau mai ana ki ngā whārangi nei, e whai ana i ngā tānga kōrero a Knight (1973-1987) me ētahi atu kaituhi e pā ana ki ngā Auchenorrhyncha e kitea ana i Ahitereiria me Aotearoa, tae atu ki ngā mahi a M.-C. Larivière rāua ko M.J. Fletcher e pā ana ki ngā Auchenorrhyncha (a Fulgoroidea me Cicadelloidae) e kitea ana i Aotearoa me Ahitereiria.
He mea hopu te nuinga o ngā whakaahua ki te Agfa ePhoto 1680, ki te kāmera mati Nikon Coolpix 950 rānei he mea whakapiri atu ki te karu whakarahi. Ka tukuna ēnei ki te rorohiko, ki reira whakapaipaitia ai ki te Photoshop, ki te Corel Photopaint, ki te Coreldraw rānei. Arā anō ētahi whakaahua i hopukina ki te pūmanawa rorohiko whakawhānui kainga kanohi, a Auto-Montage.
Te āta tirotiro i ngā taihemahema toa
Me āta tirotiro rawa ngā taihemahema toa e tika ai te tautohu i ngā momo ngārara pekerau, pekerākau.
Hei mahi i tēnei, ka āta tapahia te pito whakamuri, te katoa rānei o te puku, kātahi ka akuakuhia a roto ki te KOH (Potassium hydroxide, caustic potash), kia puata tonu. Mā konei hoki e kitea ai ngā hanga o roto. Ko tōna tikanga, mā te tohunga ki ngā ngārara pekerau tēnei mahi.
| * Kia tūpato tonu ina whakamahia te KOH, i te mea ahakoa 10% noa iho pea tōna kaha, he kai kiko tonu, ā, ka wera te kiri ki te pā ki te tinana. Nō reira, me whai kia kaua te KOH e pā ki tō kiri, kia kaua anō hoki e kainga ōna tākohu ina whakahā koe. |