He Ara Tautohu Reo Pākehā-Reo Māori mō ngā Ngārara Pekerau, Pekerākau e Noho ana i Aotearoa
Pēpuere 2004
Kia pēnei te tuhi tohutoro mō tēnei ara
tautohu ā-rorohiko: |
||||||||
|
Kupu Whakataki
Mā te takahi i tēnei ara tautohu e taea ai te tautohu te katoa o ngā pūtoi ngārara pekerau, pekerākau e kitea ana i Aotearoa. I ngā wāhi kotahi anake te momo o tētahi pūtoi i Aotearoa, ka tautohua anō hoki ko taua momo.
Kāore e tino kaha te rere o te kupu pūtaiao whāiti i tēnei ara tautohu, ina whakaritea ki te nuinga o ngā ara tautohu pūtaiao. He mea āta tuhi hoki tēnei nā kia mārama ai te mātinitini. Heoi anō, kei konei tonu te maha o ngā ariā pūtaiao, hangarau whāiti e mārama ai te roanga atu o ngā tuhinga pūtaiao tērā ka toroa.
I ngā wāhi e hāngai ana, kua takoto ētahi hono ki ētahi rauemi whaitake hei āwhina i te tangata ki te tautohu i tēnā momo, i tēnā. I ētahi wā, kua whakaahuatia ā-kupu ētahi atu āhuatanga whāiti o te ngārara ki rō taiapa, he āhuatanga kāore e kitea i te pikitia. Kua takoto anō he hono ā-rorohiko ki ētahi atu ara tautohu noho rorohiko e pēnei ana te āhua, tae atu ki ngā rārangi momo mō ngā ngārara pekerau, pekerākau o Ahitereiria, me kore e āwhinatia ngā mahi tautohu i ētahi atu momo rāwaho e noho ana ki Aotearoa.
E tika ana kia āta tapahia rawatia ngā taihemahema o ngā ngārara toa hei whakaū i te tautohunga, ā, mā te tohunga ki ngā ngārara pekerau tērā mahi.
Ka taea ngā momo ka kitea i Aotearoa, tae atu ki ngā whakaaro, ngā whakahē rānei mō tēnei ara tautohu te tuku mai ki te kaituhi mātāmua, ki a:
Marie-Claude Larivière
Email 
Manaaki Whenua
Pouaka Motuhake 92170, Tāmaki-makau-rau
Aotearoa
Tērā pea me utu rawa te tangata e tuku ngārara mai ana
kia tautohua.