Landcare Research - Manaaki Whenua

Landcare-Research -Manaaki Whenua

FNZ 58 - Alysiinae (Insecta: Hymenoptera: Braconidae) - Māori summary

Berry, JA 2007. Alysiinae (Insecta: Hymenoptera: Braconidae). Fauna of New Zealand 58, 95 pages.
(ISSN 0111-5383 (print); no. 58. ISBN 978-0-478-09390-2 (print)). Published 07 Sep 2007
ZooBank: http://zoobank.org/References/07C9F5B3-C83B-4D1F-8792-D356E96CFECE

Māori summary — He Whakarāpopototanga

Alysiines

He wāpi iti, he pirinoa (braconid) ngā alysiines ka kitea i ngā tōpito katoa o te ao. He whānau iti motuhake tonu. E mōhiotia ai nāō rātou kauae nui, ka toro whakawaho, kāore i noho inaki. Māēnei rātou e puta ake ai i te kōpaki o tō rātou rauropi papa.

Katoa ngā alysiines he pirinoa noho i roto (endoparasitoids) i te ngaro. Ka whānau te uwha pakeke i ana hua ki roto i te hua, i te torongū rānei a te ngaro ā, kua noho hei rauropi papa mōna. Ko āna uri kē ka puta mai i te kōpaki a te rauropi papa. He mahi nui ka tareka e ngā alysiines hei whakatina i ngā pepeke riha. Kua āta whakaurua mai tētahi momo hei whakatina koiora i te ngaro (blowflies).

Ko tōna rua tekau mā tahi nei ngā momo kua tuhia he kōrero. Tekau mā toru o ‘nei, he momo hōu, e whā ko ngā momo kua whakaahuatia nō whenua kē, kāore he kōrero mō rātou i Aotearoa i mua mai. Āhua toru hauwhā nei o ngā momo nō konei ake, arā kāore e mōhiotia i ētahi atu wāhi o te ao. Ko te Alysia stramineipes te alysiine braconid i pūrongotia tuatahitia nō Aotearoa. I whakaahuatia ā-tuhi mai i Te Waipounamu i te tau 1898 engari kua whakarōpūtia ki tētahi whānau iti braconid rerekē hei Helconinae i nāianei. Nō reira ko te alysiine tūturu tuatahi i whakaahuatia ā-tuhi i Aotearoa mai i Wharekauri i te tau 1900, ko Phaenocarpa antipoda.

Ka wehea te whānau iti ki ngā iwi e rua, ko te Dacnusini me te Alysiini. Tata ko te katoa o ngā Dacnusini he pirinoa o ngā dipterans tomo rau, tomo tātā tipu, arā ko ngā Agromyzidae rawa atu. Engari anō ngā alysiini ka tahuri atu ki te maha noa atu o ngā rauropi papa dipteran mai i ngā whānau 20 ia nei.

He hūtoitoi te ao kararehe dacnusine o Aotearoa, e rima ngā momo i roto i ngā puninga e toru; kotahi he mea whakauru mai, he rāwaho. He kanorau ake ngā Alysiini: 16 ngā momo o ngā puninga e rima kua tuhia ngā kōrero, te nuinga o rātou (11 ngā momo) kāore e mōhiotia ana i waho o Aotearoa. Ko ngā momo Alysia manducator o Ūropi he mea whakauru mai ki Aotearoa i te tau 1926 hei whakatina i ngā ngaro (blowflies). E ono ngā momo o ngā calliphorids i Aotearoa ka whakaekea e rātou, me ngā momo toiwhenua e rua hoki. Ko ērā atu Alysiini e rima he rāwaho he momo rānei nō Ūropi, i tūpono noa mai pea ki Aotearoa me ō rātou rauropi papa; kotahi rānei i mōhiotia he momo nō Ahitereiria.

Translation by: W. Te Rakihawea, Ngaruawahia