Ngā Tarutaru me te Rerenga rauropi
Koiora = te ora
Rerenga kē = he mea rerekē, matahuhua
Rerenga rauropi = te maha me te matahuhua o ngā mea ora katoa: ngā momo tipu rerekē, ngā kararehe me ngā moromoroiti, ngā ira kei roto me ō rātau rauwiringa kaiao.
 |
|
|
He aha i hira ai te rerenga rauropi?
- Ngā mahi rauwiringa kaiao — He mea nui te rerenga rauropi nō te mea koia anō te te take o ngā mahi rauwiringa kaiao (ngā hātepe rānei) e āhei ai te oranga tonutanga o ngā mea katoa. He wāhanga nui te hauora o ngā rauwiringa kaiao mō te hau, te wai māori, te āhuarangi, te oneone, te huringa whakamōmona me te whakawātea paruparu (ki te kore te matahuhuatanga o ngā ngārara me ngā huakita hei whakapīrau i te paruparu ka tū tātau (ki ngā pona te hohonu) i roto i ngā kararehe me ngā tipu kua mate!).
- Ngā Matatika — me noho mai ia whakatipuranga hei kaitiaki mō tō tātau rerenga rauropi me ngā rauemi mō ngā whakatipuranga e heke mai nei.
- Te Ahurea — he wāhanga nui te rerenga rauropi o ō tātau ūara, ahakoa Pākeha mai, ahakoa Maori mai. Tokomaha tātau e whakanui ana i ngā tipu me ngā kararehe taketake e noho nei i te taha o tō tātau whenuatanga, tō tātau wairuatanga, tae atu ki tā tātau whai i te rēhia (hei tauira, te hīkoi haere me te pikiniki).
- Te Ohanga — ka haere mai ngā tāpoi ki Aotearoa kia kite i ngā tipu me ngā kararehe taketake, ā, he mātāpuna tērā hei tuku i te kai, te rongoā, te hiko me ngā rauemi whakatū whare.
Ko ngā kararehe me ngā tipu rāwāho te tuma nui ki te rerenga rauropi o Aotearoa ake!!!
Rerenga rauropi | Te patu tarutaru | Te Patu ā-Tinana | Te patunga ā-matū | Te patu ā-koiora | E hia te roa o te patunga? | Te patu ā-koiora angitu | Ngā tarutaru 'whaihua' | Te kimi patunga ā-koiora | Ngā patunga ā-koiora i Aotearoa | I muri i te patunga