He aha te patu ā-koiora?
- Ko te patu ā-koiora ka whakamahi i te kaiao ora kotahi (tētahi hoa riri tūturu) hei patu i tētahi anō (tētahi tarutaru).
- Ko ngā momo hoa riri tūturu e whakamahia ana he ngārara (ngā kaiotaota pērā i ngā kai-rau, ngā kai purapura, he kai aka rānei) me ngā harore (ka whanako i ngā whakamōmona i ngā tipu, ka whakamāuiui i ngā tipu, ā, ko te otinga, ka kikohunga ngā rau, ka ngaro katoa rānei ngā rau).
- Ko ngā hoa-riri tūturu ka haria mai i te whenua taketake o te tarutaru ki Aotearoa nei. I muri i te tukutukunga, ka whakawhānau, ā, ka hora. Ko te tino patu ā-koiora tēnei. Ko te patu ā-koiora waipuke ka whakamahi i te harore taketake nui ki te whakamāuiui i te tarutaru arā he urutā. Ka hurihia te harore hei matū pū ka whakapāngia ai ki te tarutaru.
- Nā te kaha o ngā hoa-riri tūturu (ngā patunga ā-koiora rānei) i ētahi wā, kāore he take o te whakamahi i ētahi atu tikanga patu kē atu.
- Ka huaki ngā patunga i ētahi wāhanga kē atu o te tarutaru. Hei tauira, ka kai ngā patunga kai purapura i ngā purapura, kia kore e tipu mai anō he wana tarutaru hou, i mua i te huaki a ngā patunga kai-rau i ngā tarutaru pakeke.
- He utu kotahi mō te patu ā-koiora. He āhua nui te utu i te tīmatatanga, engari kāore he utu haere tonu nā te mea ka huaki tonu aua patunga ia tau, ia tau. E hia te utu? Kāore noa iho te utu!
|
 |
Rerenga rauropi | Te patu tarutaru | Te Patu ā-Tinana | Te patunga ā-matū | Te patu ā-koiora | E hia te roa o te patunga? | Te patu ā-koiora angitu | Ngā tarutaru 'whaihua' | Te kimi patunga ā-koiora | Ngā patunga ā-koiora i Aotearoa | I muri i te patunga
