Te patunga ā-matū
| Ko ngā Matū Patu Tarutaru (“ngā matū paitini ki ngā tipu”) te tikanga nui mō te patu tarutaru. Ka āhei te whakapā tere ki ngā rohe nui me te iti o te mahi.
woolly nightshade |
|
Ka mate hoki ngā momo tipu katoa i te patunga ā-matū i tētahi rohe. Kāore ngā matū e hāngai pū ki te tarutaru anake. Ka hāngai ki ngā tipu katoa (tae atu ki ngā tipu taketake) ka pāngia ki te matū. Kua karangatia tēnei, ko te āhua hāngai kore, te pānga rānei. Me whakamahi te patunga ā-matū me te whakaaro nui ki ngā arawai (ngā awa, ngā roto, aha atu.) kei paitini aua arawai, ā, i ngā wāhi hoki he tāngata, he kararehe hoki ki reira ka pāngia ki te wainehu paitini. He nui hoki te utu mō ngā patunga ā-matū, ā, me whakapā anō kei hoki mai ngā tarutaru. I ētahi wāhi, ka taupa ngā tarutaru ki ētahi patunga ā-matū.
Ngā momo patunga ā-matū
Ko ngā matū patu tarutaru whiriwhiri ka patu i tētahi huinga whāiti o ngā momo tipu.
Ko ngā matū patu tarutaru huinga whānui ka patu i ngā momo tipu huhua. Nā reira me āta whakapā te matū ki te tarutaru kei mate ētahi atu tipu pai!
Ko ngā matū patu tarutaru whakapā ka patu i te kikokiko tipu i te wāhi i whakapāngia ai te matū (kāore e hora ki ētahi atu wāhi o te tipu). Hei patu i ngā tarutaru me ngā matū patu tarutaru whakapā, me ōrite te whakapā ki te katoa o te tipu.
Ko ngā matū patu tarutaru pūnaha ka neke haere i roto i te tipu, ā, ka werohia ki te pūnaha rerenga toto i te wāhi kotahi.
Ko ngā matū patu tarutaru tarapī ka whakapāngia ki te oneone hei patu i ngā tarutaru mā roto i ngā aka. Ka noho paitini ki te tipu i roto i te oneone mō te wā roa (kei te āhua anō o te kaha o te matū), ā, ka patu i ngā wana whakarau. Mā ngā matū patu tarutaru tarapī i te oneone, ka mate hoki ngā tipu taketake e pātata ana.
Te kaha whiriwhiri o ngā matū patu tarutaru - Ko te tikanga o te whiriwhiri ka patua ētahi tipu pū, ka ora tonu ētahi anō.
Ka whiriwhiri ngā Herbicides nā te mea:
- Ko ngā rerekētanga ā-koiora o ngā tipu.
- Hei tauira, ko ētahi matū pērā i te haloxyfop (ngā rawa pērā ki te Gallant) ka patu i ngā pātītī anake (ka whara hoki ētahi atu pērā i te harakeke me te raupo, aha atu.). He matū whaihua ēnei hei patu i ngā tarutaru pērā i te pāmapa i te taha o ngā rākau me ngā mauwha.
- Te tikanga e whakamahia ai ki te whakapā i te patunga ā-matū.
- Ko te tikanga e whakamahia ana ki te whakapā i te matū tētahi huarahi whakaiti i te mōreareatanga ki ngā tipu taketake e pātata ana. Mā te whakapā i te matū ki runga, ki roto rānei i te tarutaru, ka whakaiti iho i te heipūtanga ka whara ētahi atu tipu e pātata ana (i te wainehu).
Te whakapā matū
Me mātua whakapā te patunga ā-matū e te tangata kua whakangungua ki whakamahi tika i te patunga ā-matū, ā, e mōhio ana ki te whakapā tika i ngā patunga ā-matū. Hei tauira, ka tāpiritia te tai mārama ki te matū kia kite ai koe kua tau te matū ki whea.
|
|
Kāore te mapu rau i te tino whiriwhiri; ka rere te wainehu patu tarutaru ki ētahi atu momo tipu kē atu i te tarutaru. Ko te mapu ā-pīkau te momo tikanga whiriwhiri rawa o te mapu rau, i reira ka whakamahia e te kaiwhakahaere te pīkau ki te whakahāngai i te wainehu ki ngā tarutaru. Ki te whakamahia te mapu paraikete, ka pā te wainehu ki ngā tipu katoa o tētahi rohe. Kāore he take o te pū wainehu i ngā wāhi e kore e taea e te waka (hei tauira, te ngahere)
I raro i tēnei tikanga, ka werowero, ka tapatapahi rānei i te kirirākau me te kiko o te tā o ngā tarutaru rākau (hei tauira, te whiro, te poroporo wūru). Ka werohia te matū ki roto i te pūare. Ko te whāinga, kia tae ki te kiko i raro iho i te kirirākau, māna anō hei kawe i te matū ki roto ki ngā wāhi katoa o te tipu. Ka karangatia te tapahi mā te toki me te whakakī i aua pūare ki te matū, ko te “whiri”. Mā te whamahi i te wiri hiko ki te whakapūare i te rākau (te drill me te wero), ka heke ngā heipūtanga ka maringi te matū ki ētahi tipu anō, ki runga i te oneone rānei. He tikanga tino whiriwhiri mō te whakapā matū.
- Te tapahi me te peita
Mō tēnei tikanga, ka tapahia te tarutaru i tōna pūtake (kia kaua e teitei ake i te 15hm i te papa) ki te tātaretare, ki te toki rānei. Ka ukuia, ka peitahia rānei te matū ki runga i te timutimu hei patu i te timutimu me te pūnaha aka. E kore e taea tēnei tikanga te whakamahi mō ngā rākau ka tipu mai anō i ngā timutimu me ngā peka kua tapahia (hei tauira, ngā whiro).
Mō ētahi kōrero anō e pā ana ki te whakamahinga o ngā matū hei patu tarutaru, me whakapā ake ki tō kaunihera ā-rohe.
Rerenga rauropi | Te patu tarutaru | Te Patu ā-Tinana | Te patunga ā-matū | Te patu ā-koiora | E hia te roa o te patunga? | Te patu ā-koiora angitu | Ngā tarutaru 'whaihua' | Te kimi patunga ā-koiora | Ngā patunga ā-koiora i Aotearoa | I muri i te patunga