He ngakinga e pā ana ki te whakaahua
o te pare
- Hangaia he ara tautohu mō ngā angawaho
i te pare:
- hoatu he tau motuhake tēnā angawaho, ki tēnā;
- whakarārangitia aua tau;
- tuhia te ingoa o ia angawaho ki te taha tonu o tana tau motuhake.
- Karangia ngā angawaho. Me rerekē pea te
tae mō ia Pūtoi, mō ia Karangatanga rānei.
- Karangia ngā manaia . He pāua te wāhanga
whakaroto o ia karu - ka kīia tēnei he mata-ā-ruru.
- Tēnā tuhia he angawaho.
He whakaahua o te pare hei
tā mai  Hei huaki
ināi tonu nei, pāwhiria te taha mauī o tō kiore.
Hei hopu, hei pupuri ki tō rorohiko, pāwhiria te taha
matau o te kiore, ka kōwhiri i te Save Target As.
He
kōnae GIF
o te pare (157 k) Hei hopu ki tō rorohiko,
pāwhiria te taha matau o te kiore, ka kōwhiri i te Save Target
As.
Kuhuna atu te Picture from File ki roto i ngā pūmanawa tārai
kupu hei tā.
E hoki ki runga
He ngakinga e pā ana ki ngā pārongo mō te pare
- He wero tātaki kupu : kōwhiria he kupu
mai i ngā kōrero e piri ana ki ia angawaho, ka ako ki te tātaki
i taua kupu. Tuhia he rerenga kōrero e whakamahi tika ana i te
kupu.
- He wero waihanga kupu : kōwhiria he kupu, ka
whakarārangi i ngā kupu katoa ka taea e koe te waihanga ki
ngā pū o taua kupu.
- He wero matawhenua : kimihia mai ngā ingoa
wāhi me ngā moutere o Aotearoa ka whakahuatia ake i roto i
ngā kōrero.
E hoki ki runga
He pātai e pā ana ki te pare
Ngā angawaho
- Hui katoa, e hia ngā angawaho i te pare?
- E hia ngā angawaho ki te taha mauī, e hia ki te taha matau
o te manaia kei waenganui pū? (He rerekē tēnei i tōu
ake taha mauī, taha matau?)
- E hia katoa ngā pepeke?
- E hia ngā angawaho ehara i te pepeke?
- E hia ngā waewae o te pūngāwerewere, e hia ngā
waewae o te pūwereriki?
- E hia ngā waewae o ia pītara?
- E hia ngā parirau o te ngaro?
- E hia ngā parirau o ētahi atu pepeke?
- E hia ngā tarakina i te waewae o muri o te wētā?
- E hia ngā wāhanga tinana o te weri?
- E hia ngā angawaho e anga ana ō rātou ūpoko:
- ki runga
- ki raro
- ki te taha mauī
- ki te taha matau
- kaua tētahi o ēnei i runga ake nei?
- E hia ngā angawaho he nui ake i te 20° te koki i waenga
i te takotoranga o te tinana o te angawaho me tētahi rārangi
poutū, tētahi rārangi huapae rānei i runga i te
pare?
E hoki ki runga
Ngā manaia
- E hia ngā manaia i roto i te pare?
- E hia katoa ō rātou karu?
- E hia ngā manaia he whai karu kotahi anake?
- E hia katoa ngā arero? Whakaahuatia mai te hanga o ngā
arero.
- E hia ngā mati i ia waewae, i ia ringa o tētahi manaia?
- Hui katoa, e hia ngā mati?
- Hui katoa, e hia ngā mati whai maikuku?
E hoki ki runga
Ngā ingoa pūtaiao
- Ina āta whakaahuatia tētahi kararehe, tētahi tipu
rānei e ngā kairangahau pūtaiao, ka tapaina a ia ki tētahi
ingoa pūtaiao.
- E rua ngā wāhanga o te ingoa pūtaiao, ko te ingoa
o te Puninga, me te ingoa o te momo,
ā, i te nuinga te wā, tuhia ai ki te momotuhi tītaha.
- Me pūmatua te pū tuatahi o te ingoa o te Puninga,
engari me pūriki te katoa o te ingoa o te momo.
- Whakarōpūhia ai ngā rauropi katoa ki tētahi whakapapa
nui e tohu ana i te whanaungatanga i waenga i tēnā, i tēnā.
E hoki ki runga
Te whakarōpūtanga o ngā angawaho i runga i te pare
Ko ngā angawaho 13 kei te pare, nō ētahi
Pūtoi 10 o ētahi Karangatanga e 3 o te pori Arthropoda, pēnei
nā:
- Pori: Arthropoda (ko te tikanga o tēnei ingoa,
ko te "peke whai monamona")
- Karangatanga: Insecta (ngā pepeke)
- Pūtoi: Coleoptera (ngā pītara)
- Pūtoi: Diptera (ngā ngaro)
- Pūtoi: Hemiptera (ngā pepeke
tūturu)
- Pūtoi: Hymenoptera (ngā wāpu)
- Pūtoi: Lepidoptera (ngā pūrēhua
me ngā pūrerehua)
- Pūtoi: Odonata (ngā kapokapowai)
- Pūtoi: Orthoptera (ngā māwhitiwhiti
me ngā wētā)
- Karangatanga: Arachnida (ngā pūwereriki
me ngā pūngāwerewere)
- Pūtoi: Acari (ngā pūwereriki)
- Pūtoi: Araneae (ngā pūngāwerewere)
- Karangatanga: Myriapoda (e tohu ana 'he maha
ngā peke'; ngā weri me ngā weri waemano)
- Pūtoi: Chilopoda (ngā weri).
E hoki ki runga
Trevor Crosby
Kaitiaki, NZAC |
