|
Ko te pare e kōrerotia ake nei, ko te whakairo
kei runga ake o te kūaha.
Kimihia ngā angawaho e huna mai ana i te pare
- Kimihia ngā angawaho e huna mai ana i te pare
- Meahia te kiore ki runga ake o tēnā, o tēnā angawaho
mō tētahi wā poto. Ka puta ake te ingoa o te angawaho.
- Pāwhiria te angawaho ki te kimi i ētahi kōrero mōna.
E hia ngā angawaho e kite ana koe (mahia tēnei i mua i tō
tirotiro i te rārangi)? Hui katoa, 13
rātou.
Ko te pare tēnei kei runga ake o te kūaha
o Te Aitanga Pepeke o Aotearoa (arā, o te NZAC) i Tāmaki,
Tāmaki-makau-rau.
 E
hoki ki runga
He kōrero mō te pare
Ko te pare nei:
- 1.5 x 0.9 m te rahi;
- i whakairohia ki tētahi papa kauri i hangaruatia, neke atu i
te 100 te tawhito, he mea whakarauora i tētahi whare whakamātao
o mua i te Tumu Herenga Waka o Tāmaki-makau-rau, i ngā 1980;
- he mea whakairo i runga anō i ngā tikanga a Ngāti
Whātua, te iwi kāinga o Tāmaki-makau-rau, e Denis Conway,
he tauira nā Henare Toka;
- kei runga ake te pare nei i te kūaha matua o Te Aitanga Pepeke
o Aotearoa (te NZAC), ā, nō te 13 Hui-tanguru 1990 i āta
tukuna ai hei taonga mā te mātinitini;
- ko te mea ahurei o tēnei whakairo nei nā, he nui ngā
pepeke me ō rātou whanaunga (ngā angawaho) e huna mai
ana ki ngā whaowhaonga a te tohunga whakairo.
Kua tāia he tuhinga o te whakairo nei ki te whārangi tuatahi
o ngā pukapuka
Ko te Aitanga Pepeke o Aotearoa.
E hoki ki runga
|
