|
Ko ngā tauira e mau mai ana ki ngā kohinga pēnei
i te NZAC nei te tūāpapa o ngā mātauranga me ngā
pārongo mō te ao tūroa.
- Me kore ake ngā kohinga nei e taea ai ngā momo te āta
tautohu, ā, mā te āta tautohu ka whaihua ko ngā
mahi rangahau.
- Ka puritia ngā tauira kua tautohua, ka tuhia anō hoki ngā
kōrero mō rātou i runga i te whai kia noho tahi ēnei
mea hei pātaka o ngā tini a Tāne.
- E kore rawa e taea tēnei pātaka te waihanga mai anō;
he taonga nā te motu, otirā, nā te ao, e puritia ana
e mātou mā ngā iwi katoa o te ao.
He wāhi puiaki anō kei te NZAC i roto i te pūtaiao o
te ao, nā te ahurei o te matawhenua-koiora o Aotearoa.
- Ko tētahi 90% pea o ngā momo angawaho o Aotearoa, kāore
e kitea i ētahi atu wāhi o te ao. Heoi, tērā pea
he kāwai tata, he kāwai tawhiti rānei ō rātou
ki ngā rōpū o tāwāhi.
- He wāhi nui kei ngā angawaho māori e whānui ake
ai ngā mōhiotanga ki ngā rauropi o te ao, me te kunenga
mai o ngā rauropi.
He mahi nui te āta whakaahua i ā tātou angawaho. āwhinatia
ai ngā tohunga whakapapa o NZAC e ngā tohunga o tāwāhi
ka toro i te NZAC, ka tono rānei i ētahi tauira mō tētahi
wā kia rangahaua. I ēnei mahi, kei te nui kē atu ngā
mōhiotanga ki ngā aitanga pepeke o Aotearoa, me tō tātou
mārama anō ki a Papatūānuku.
 Ki
muri
|
