- He pūngāwerewere noho ana te pūngāwerewere māori
tino rahi, ko Spelungula cavernicola te ingoa. E ai ki ngā
mōhiotanga, ko Te Tai Tapu me Kawatiri anake ngā rohe e nohoia
ana e ia. 130 mm te whānui mai i te pito o tētahi waewae ki
tētahi, e 24 mm te roa o te tinana.
- Ko te tarantula goliath, te tarantula kai manu ki ētahi
(ko Theraphosa blondi tana ingoa pūtaiao), koia
te pūngāwerewere rahi katoa o te ao. E 250 mm te whānui
mai i te pito o tētahi waewae ki tētahi, e 90 mm te
roa o te tinana.
- Nō te whānau Mysmenidae te pūngāwerewere iti
o Aotearoa, heoi, kāore anō ia kia tapaina ki tētahi
ingoa pūtaiao whaimana. He iti ake i te 0.5 mm te roa o te tinana
o ngā mea pakeke.
- Ko te pūngāwerewere iti katoa o te ao, he pūngāwerewere
hanga māwhaiwhai o Hāmoa, ko Patu marplesi te
ingoa, nō te whānau Symphytognathidae. E 0.43 mm noa te
roa o te tinana o ngā mea pakeke.
 Ki
muri
|
