- Kitea ai te wāpu euphorine, a Dinocampus coccinellae,
i ngā tōpito katoa o te ao. I tae tuatahi mai ki Aotearoa
nei i te taenga tuatahitanga mai o te Pākehā ki tēnei
whenua.
- Ka whakatakoto te uwha i te hua kotahi ki te tinana o tētahi
ngoikura pakeke.
- Kia pao mai, e whā ngā tūātipu o te torongū,
i a ia e kai haere ana i te ngoikura.
- Ka motu i te torongū pakari ngā io matua o ngā waewae
o te ngoikura, ā, ka keria he ara mōna e puta ai ia ki te
whaiao.
- Kātahi ka herea tahitia e te torongū ngā waewae o
te ngoikura, ā, i raro i a ia, ka huri hei ngeti.
- Riro ana ko te ngoikura me ōna tae mumura hei whakaruru mō
te wāpu e huri ana hei ngeti. I tua atu i tērā, whakaputa
ai te ngoikura i ētahi wē paitini, he kawa anō, i ana
monamona, hei ārai i te hoariri.
 Ki
muri
|
