- Tērā te ngaro-pekapeka parirau kore, ko Mystacinobia
zelandica te ingoa, ka noho ā-hapori ki ngā paenoho o
te pekapeka hiku-poto, ā, me āhua 30° rawa te pāmahana
e ora ai ia (me mahana noa ake i te pāmahana o waho).
- Kai ai ngā mea pakeke me ngā torongū i te tūtae
pekapeka.
- Mā te rere a te pekapeka e tae atu ai te ngaro-pekapeka ki ētahi
atu hapori pekapeka; piki atu ki te 10 ngā ngaro-pekapeka kua kitea
i ngā huruhuru o te pekapeka kotahi i a ia e wehe atu ana i tana
paenoho ki te kimi kai māna i te pō.
- Kāore tētahi atu momo ngaro (a ngāi Diptera) huri
i te ao e kātata ki tēnei mō te kaha o tana noho tahi,
mahi tahi ki ērā atu o tana hapori. Inā koa:
- ka noho tahi tonu ngā mātua me ā rātou tamariki;
- ka pītahitahi ngātahi ngā pakeke me ngā torongū;
- ka roa ake ngā toa e ora ana; nāwai ā, ka noho
rātou hei reanga tūtei whakaputa oro mō te hapori.
 Ki
muri
|
