- I te tau 1989/90, e 374 ngā pūngāwerewere o Avondale
i tukuna ki Hollywood ki te whai wāhi atu ki te kiriata Arachnophobia,
nā Steven Spielberg. Kāore he pānga kino o Delena cancerides
ki te tangata, engari weriweri ana tērā te āhua, ā,
koinā ia i kōwhiria ai hei "pūngāwerewere kino"
mō taua kiriata.
- E 30 mm pea te roa o te tinana, e 200 mm pea te whānui mai i
te pito o tētahi waewae ki tētahi.
- Noho tahi ai ngā pūngāwerewere o Avondale ki ō
rātou whānau me ō rātou hoa; ko ia anake te pūngāwerewere
i Aotearoa e pēnei ana te āhua.
Ētahi ākonga o te Kura Tuatahi o New Lynn, i Tāmaki-makau-rau
ki te Uru, e whāwhā ana i te pūngāwerewere o Avondale,
he pūngāwerewere hura nō Ahitereiria. Nō ngā
tau o ngā 1920 ka rarau tana noho i Tāmaki-makau-rau, ki te
takiwā o Avondale. Whakaahua: nā Chris Hoult, Western Leader,
10 Here-turi-kōkā 2000.
 Ki
muri
|
